3 marrëzitë e një të frikësuari në palcë

Tuesday, 14 May 2019 14:47

Nga Ilir Nikolla

Konferenca e Edi Ramës ishte fund e krye një shtërzim politik i një të dëshpëruari, i cili e ka lexuar marshimin e djeshëm paqësor të opozitës si një shenjë dobësie. Duke kujtuar se zjarri i madh i kaloi pa e prekur, kryeministri lëshoi një lumë gënjeshtrash, që u drejtoheshin kryesisht strukturave partiake, të tmerruara nga një përplasje civile që i pret me 30 qershor. Barrikadat e shkeljes së kushtetutës që u ngritën kundër dialogut dhe një procesi politik u bashkëshoqëruan me mufkën juridike se përgjimet s’janë asnjë provë dhe janë rrezik për demokracinë, bile shfajësoi atypëraty edhe Saimir Tahirin, paçka se ndaj tij pritet të nisë një gjyq për grup të strukturuar kriminal. Për t’i dhënë gajret vetes, Edi Rama shpiku sot edhe termin “koha politike deri më 30 qershor”, duke lëshuar një kërcënim për destabilizim të vendit, “meqenëse kemi të bëjmë me sigurinë e NATO-s”.
Pretendimi i shkeljes së kushtetutës është një beze deklarative që s’e mbulon dot lakuriqësinë e një shteti që prej dy vjetësh s’ka Gjykatë Kushtetuese e as të Lartë dhe që prej 18 muajsh ka në detyrë një prokuror të përgjithshëm të zgjedhur në mënyrë të paligjshme. Pra, një rrënues i kushtetutës thotë se është e pamundur të shtyhet data e zgjedhjeve, bën interpretimin ad personamm të kushtetutës, duke rrëfyer mendësinë “Mbreti jam unë”.
Pretendimi se s’ka krizë politike, për shkak se përgjimet nuk janë prova u shqiptuan sot nga një drejtues politik që dogji vendin me 21 janar, për një përgjim të paautorizuar nga gjykata. Me të njëjtën logjikë, rrëzoi edhe krejt një proces gjyqësor që është ngritur për grup të strukturuar kriminal ndaj Saimir Tahirit, një tjetër tregues i rrëshqitjes së arsyes shtetërore të kryeministrit në paradhomat e diktaturës.
Pretendimi i tretë, se vendi nuk mund të destabilizohet, pasi është anëtar i NATO-s është në fakt një kërcënim i ri ndaj stabilitetit të vendit, është një fazë e mëtejshme e budallallëkut “qeverisë s’i bëni dot gjë, por popullit po”. Tani mendja e rrëshqitur e autokratit ka mbërritur në nivelin e ri “posti im s’lëviz, se rrezikohet siguria e NATO-s”
Konferenca ishte një shtërzim që s’bën punë, por për një gjë jemi dakord: deri me 30 qershor do rrjedhë shumë ujë, do ketë shumë reagime...dhe merret me mend se kush mund ta durojë provën e forcës, nevoja për ruajtjen e demokracisë dhe stabilitetit në vend apo marria e Edi Ramës për të mos lëvizur nga karrigia.

Login to post comments

Lajmet e fundit

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Politikë

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Nga Gezim Sadikaj: Si perfaqsues i banorve qe protestuan kunder grabitjes se shtepive dhe prones nga pushteti.Shebull tipik i kesaj masakre eshte dhe familja Billa prej 20 antaresh!Mervet Billa dhe Izet...

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

Globi

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

NATO sulmoi trupat serbe në vitin 1999 për të parandaluar një “katastrofë humanitare” në Kosovë. Krahasimi me Ukrainën është i gabuar.   Pas disa muaj negociatash, të cilat nuk dhanë rezultate, më...

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

Ekonomi

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

    Rritja e kostove, frenimi i konsumit, ulja e fitimeve ka bërë që bizneset të reduktojnë investimet në makineri e pajisje. Ulja e konkurrueshmërisë nga bizneset vendase po i lëshon gjithnjë e...