Sikur të mos mjaftonin takimet elektorale të kryeministrit Rama, po në garë është përfshirë ethshëm edhe kryebashkiaku Erion Veliaj, i cili ka luksin si askuysh tjetër nga 61 kandidatët e përzgjedhur socialistë që të transmetohet live nga mediat e varuara e të paguara prej tij, madje jo një herë në ditë po tre e më shumë herë, nga më shumë se 30 minuta. Pa harruar edhe kronikat me takimet e tij elektorale në çdo edicion lajmesh. Veliaj, kthe e vërtit të njëjtat fjalë, nuk ka ç’të tohtë tjetër po sikundër vetë Rama, flet me vete në monologje të gjata, ku akuzon e shan opozitën se po i prish punë e nuk e le të zgjidhet pa konkurrencë më 30 qershorin që ëndërron se do ketë zgjedhje.

Velaij nuk thotë asnjë fjalë për akuzat e shumta në korrpusionin galopant që ka mbërthyer Bashkinë e Tiranës, në tenderimet miliona eurosh, me fatura të tejfryra, me çmime katastrofike ku një pishë shkon deri në 5500 euro, ku një metër asfalt shkon në mijëra euro. Nuk thotë asnjë fjalë për akuzat që i bëhen për vrasjen e Ardit Gjoklajt, për klientelizmin, nuk thotë asnjë fjalë për pastrimin e parave e të drogës, krimit që bëhen në pallatet shumëkatëshet që po i zënë frymën Tiranës, lejët e të cilave i jep ai vetë e që po financojnë edhe fushatën e tij e të Ramës.

Monologje të tilla, pa kurrfarë dobie do të dëgjohën  edhe pak ditë sa të marrë fund kjo çmenduri e të ndërgjegjësohet se zgjedhje më 30 qershor nuk ka e nuk do të ketë.