Raporti i sotëm i Departamentit Amerikan të Shtetit tregon qartë fytyrën e vërtetë të qeverisë Rama.
Kështu shprehet nënkryetari i LSI, Petrit Vasili në një reagim të tijin në Facebook.
“Departamenti Amerikan i Shtetit ne Raportin e publikuar sot tregon qarte fytyren e vertete te kriminalizuar te qeverise se Rames.
Lexojeni vete:
"Ka rrezik të konsiderueshëm nga krimi në Tiranë. Qeveria shqiptare po bën një përpjekje të bashkërenduar për të përmirësuar aftësitë e zbatimit të ligjit të vendit dhe për të zvogëluar korrupsionin. Krimi i organizuar ka një ndikim të theksuar në Shqipëri, me një rrjet të organizatave kriminale të përfshira në trafikimin e drogës, grabitje, ryshfet, pastrim parash, prostitucion dhe trafikim njerëzor", shkruan Vasili në reagimin e tij.
Departamenti Amerikan i Shtetit publikoi sot një raport me nota kritika për qeverisjen në Shqipëri.
Në raport thuhet se Shqipëria është një vend i vështirë për të bërë biznes. Më tej theksohet se problem mbeten krimi, korrupsioni, zbatimi i ligijt dhe të drejtat e pronës.
Sa i përket korrupsionit, raporti i DASH thotë se Shqipëria është vendi më i korruptuar në Ballkan.