Socialistët kanë nisur procedurat për shkarkimin e anëtarit të Këshillit Mbikqyrës të Bankës së Shqipërisë Arben Malaj për shkak të “shkeljeve të rënda të etikës”, me anë të daljeve dhe prononcimeve të tij publike.
Në një intervistë për “Zërin e Amerikës”, Malaj tha se argumentat që kanë paraqitur socialistët janë argumenta me nuanca të qarta politike.
‘Arsyet mbeten për tu verifikuar. Ajo që garantoj unë nga vetja ime është se për ti shërbyer vendit jam bazuar në integritetin njerëzor dhe në një ndjenjë dashurie për vendin tim. Argumentat mu dukën me nuanca të qarta të një hakmarrje politike.’
