Dje, në kohën e shkruar, Partia e Punës vendoste me atë të plenumeve se sa duhej të ishte rendimenti i grurit, i misrit, etj për hektar, sa duhej të prodhonte pula vezë, sa mish duhej marrë, etj, etj. Për të kapur ritmet që caktonte udhëheqja, të gjithë gënjenin. Ulnin sipërfaqen dhe rrisnin prodhimin. Me vendim të Byrosë pse Komitetit Qendror shpreheshin edhe për politika të caktuara. Sot, na u provua e njëjta gjë nga mbledhja e kryesisë së Partisë Socialiste, e cila vendosi që nuk kishte faj qeveria dhe Edi Rama për dështimin e negociatave, a thua se këtë e vendos kryesia në fjalë. Habitemi se si Zaevi në Maqedoninë e Veriut nuk mblodhi kryesinë e partisë së vet e ta vendoste këtë gjë. Me vendim partie pra Rama kërkon të kalujë lumin pa u lagur. Sigurisht pasi na ka thënë kushedi se sa herë që do t’i marrin negociatat patjetër. Siç edhe pritej, propaganda, që përbënte të vetmen “punë” të kësaj qeverie do fokusohet duke akuzuar opozitën.