Presidenti shqiptar, Ilir Meta, dhe ai kosovar, Hashim Thaçi, kanë marrë pjesë në ceremoninë e organizuar me rastin e 10-vjetorit të vendosjes së marrëdhënieve diplomatike mes Kosovës dhe Japonisë, i organizuar sot në Tokio.
Duke publikuar foto nga ceremonia, Presidenti Meta shkruan në “Facebook” se ka një mbështetje të jashtëzakonshme të Japonisë për Kosovën, që nga kriza humanitare e dy dekadave më parë deri më tani.
“Kënaqësi të merrja pjesë sot, së bashku me Presidentin Hashim Thaçi, në një event shumë të rëndësishëm në Tokio, në ceremoninë e organizuar me rastin e 10-vjetorit të vendosjes së marrëdhënieve diplomatike midis Kosovës dhe Japonisë.
Mbështetja e jashtëzakonshme e Japonisë për Kosovën, që nga kriza humanitare e dy dekadave më parë e deri më tani, është një vlerë e shtuar për paqen, stabilitetin dhe prosperitetin e rajonit tonë. 🇦🇱🇽🇰🇯🇵”, shkruan Meta.
