Sot Kryeministri konfirmoi se Erion Veliaj do të jetë kandidati i tij për tu rizgjedhur në krye të Bashkisë së Tiranës në zgjedhjet lokale që priten të zhvillohen pranverën e ardhshme.

Edhe pse prej disa ditësh në mediat e kapura nga Rilindja gëlonte lajmi se gjoja Rama dhe Veliaj nuk i kishin marrëdhëniet si më parë, erdhi sot edhe lami nga Kryeministri.

Rama konfirmoi se do të donte ta zgjaste qeverisjen e Tiranës me Lali Erin, për të vazhduar kështu edhe për katër vite qeverisjen e kullave, qeverisjen e betonizimit, qeverisjen e shkatërrimit urban të kryeqytetit, qeverisjen e shkatërrimit të traditës në kryeqytet, qeverisjen e shkatërrimit të kulturës dhe memories kolektive, qeverisjen e babëzisë, e grabitjes së gjithçkaje.

Sigurisht që Rama nuk mund t’ia heqë vetes privilegjin e një ushtari besnik dhe të aftë të bëjë gjithçka për shefin e tij në  krye të Tiranës. Veliaj është njeriu perfekt për planet e tij. Së bashku do të mund të vijojnë të ecin përkrah njëri-tjetrit për të miratuar kullat, të japin paratë publike klientëve të përbashkët, me Sadri Abazin në krye.

Ndaj edhe ky lajm në fakt është një konfirmim nga Rama se Lali Eri nuk tha asnjëherë jo për të gjitha aferat e propozuara prej tij.

Por sigurisht për realizimin e këtij plani kanë përballë vullnetin e shqiptarëve, të cilët një orë më parë duan t’i hedhin në koshin e plehrave të historisë dhe t’i çojnë atje ku i takon, në burg. /55news.al/