Meghan Markle dhe Serena Williams kanë një miqësi tepër të ngushtë me njëra-tjetrën. E ftuar së fundmi në një intervistë, Williams duket se ka zbuluar pa dashje gjininë e fëmijës së dukeshës.
Një nga gazetarët i kërkoi Williams, këshillën më të mirë për nënat e reja. Gjatë bisedës, Serena u përgjigj duke marrë si shembull shtatzëninë e një prej mikeve të saj, duke shtuar se ajo është në pritje të një vajze.
Kjo ka mjaftuar që të gjithë mediat e huaja të mendojnë se Williams i është referuar Meghan Markle, kur ka dhënë këtë përgjigje.
Ndonëse para disa kohësh u përfol se gjinia e fëmijës mbretëror mund të ishte mashkull, Serena ngriti dyshimet kudo se dyshja mbretërore është në pritje të një vajze.
Shumë pak kohë mbetet për të zbuluar të vërtetën, pasi dukesha pritet të lindë së shpejti.
