Interi ka njoftuar përmes rrjeteve sociale se Mauro Icardi nuk është më kapiten i ekipit
Përmes një postimi në rrjetin social, Twitter, Interi e ka “goditur” Mauro Icardin.
Në fakt, klubi italian përmes profilit zyrtar ka njoftuar se sulmuesi argjentinas nuk është më kapiten i ekipit zikaltër.
Njoftimi tutje tregon se kapiten i ri i “Nerazzurri” është portieri Samir Handanovic. Ky lajm pa dyshim se pritet të bëjë bujë dhe do të zgjojë pluhur pasi duket se lidhet me refuzimit e vazhdimit të kontratës nga ana e Icardit, por edhe polemikat e klubit italian që lidhen me gruan/menaxheren e ish-futbollistit të Sampdorias, Wanda Nara.
Sipas mediave të huaja, Icardi pritet të largohet nga Interi gjatë verës që vjen me destinacion Anglinë ose Spanjën.
