Foto nga stërvitja/ Reja zbulon Shqipërinë

Tuesday, 21 May 2019 22:16

Kombëtarja Shqiptare ka zhvilluar stërvitjen e parë nën urdhrat e teknikut të ri, Edy Reja.

Një grumbullim i pazakontë, për të nisur sa më shpejt nga puna me Shqipërinë. Surpriza dhe emra të rinj. Mbi të gjitha një metodë pune gjithëpërfshirëse, për të krijuar një panoramë sa më të qartë rreth futbollit tonë, lojtarëve dhe Kombëtares.

Edy Reja e nisi punën në stolin kuqezi, me një grumbullim paraprak. Një listë me vetëm 10 futbollistë, ku mes emrave të afirmuar në Kombëtare dhe që kanë përfunduar aktivitetin me skuadrat e tyre, nuk mungojnë edhe risitë. Nga grumbullimi i Kastriot Dermakut, zbulimit të Serisë B me Cosenza-n, por i anashkaluar nga Panucci, për të vijuar me thirrjen e parë në skuadër të Bruno Telushit, një prej protagonistëve të mëdhenj të Partizanit kampion.

Një javë stërvitje për të ruajtur gjendjen fizike, e cila do të shërbejë edhe për t’i vëzhguar lojtarët, përpara se më datë 27 maj, trajneri Reja të publikojë listën zyrtare për ndeshjen e 8 qershorit në Islandë dhe përballjen e 11 qershorit me Moldavinë në Elbasan Arena.

Grumbullimi i Kombëtares do të jetë i ndarë mes Durrësit, Frankfurtit dhe Rekijavikut, me trajnerin që do të punojë me grupin e plotë vetëm prej datës 2 qershor në Gjermani.

Gjatë qëndrimit në Shqipëri, nën urdhrat e trajnerit Reja do të jenë edhe 12 futbollistë të përfaqësueses Shpresa, të cilët kanë përfunduar sezonin dhe janë grumbulluar nga trajneri Alban Bushi për ndeshjen zyrtare me Turqinë dhe dy miqësoret me Uellsin. Edy Reja do ta shfrytëzojë këtë moment, jo vetëm për të njohur sa më mirë futbollistët që janë pjesë e listës së madhe të Shqipërisë, por edhe talentët potencialë, që në muajt në vijim mund të grumbullohen në skuadër.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

… Sot, që nesër të mos jetë vonë!

Politikë

… Sot, që nesër të mos jetë vonë!

Nga Halil Teodori Situata politike në Shqipëri ka hyrë në një fazë kritike. Palët e përfshira sa vijnë dhe potencojnë frontet e përballjeve. Asnjë rreze shprese nuk ka për kompromis. Shteti...

Tragjike/ I moshuari gjendet pa jetë në mes të qytetit! Detajet

Aktualitet

Tragjike/ I moshuari gjendet pa jetë në mes të qytetit! Detajet

Një 80-vjeçar është gjetur pa shenja jete sot pasdite në qytetin e Korçës. I moshuari është identifikuar si Y.Muja. Policia dhe grupi hetimor ndodhen në vendin e ngjarjes dhe po punojnë...

Kriza e përplasjet në KZAZ, apeli i PDIU: Rama t’i kthehet arsyes

Aktualitet

Kriza e përplasjet në KZAZ, apeli i PDIU: Rama t’i kthehet arsyes

PDIU përmes një deklarate për mediat është shprehur e shqetësuar për situatën e fundit politike në vend. Ajo thekson se Shqipëria po rrëshqet me shpejtësi drejt një situate dramatike. Mes tjerash...

Sondazh

Nothing found!

Sondazh

Nothing found!