1946/Pushkatimi i opozitës së parë nga regjimi i injorantëve dhe kriminelëve

Tuesday, 02 July 2019 18:45

Nga Kastriot Dervishi

Tre grupimet opozitare: Grupi i Rezistencës së Sami Çeribashit, Grupi Monarkist i Qenan Dibrës dhe Partia Socialdemokrate e Musine Kokalarit u bashkuan për të mos lejuar farsën zgjedhore të 2 dhjetorit 1945. Ato përgatitën programin dhe një notë për misionet anglo-amerikane në Tiranë. Këto u shkruan më 19 nëntor 1945 nga 15 persona. Zbulimi i parë i opozitës erdhi nga shefi Seksioni i Mbrojtjes së Popullit i Shkodrës, i cili më 28.12.1945 njoftoi Drejtorinë e Mbrojtjes së Popullit në Tiranë se nga procesi në ngarkim të një të pandehurit nga Puka ishte vërejtur ekzistenca e një komiteti qendror në Tiranë i cili merrej me “organizimin e reaksionit”. Persona me të cilët ishte takuar Mirakaj ishin:

-Sami Çeribashi, kryetar, kishte një hotel në Durrës.

-Anton Dukagjini, anëtar për zonën Pukë-Dukagjin, ish funksionar i Ministrisë së Punëve Botore.

-Një dibran rreth 60 vjeç, ish kryetar komune, banues në rrugën e Elbasanit në Tiranë (Hivzi Golja).

-Një kavajas (Ali Kavaja), për të cilin thuhej se kishte lidhje me gjeneralin anglez të misionit ushtarak.

Ndërkohë që përpunime të veçante ndiqnin “Dara” dhe “Shkrimtarja” personat e tjerë të dyshuar u vunë në përpunim për një kohë të shkurtër. Arrestime kryesore u bënë më 10, 17-19, 23-27 janar 1946, pra pasi kishin mbaruar zgjedhjet. U formua një grup prej 37 personash që do dënoheshin, 4 prej të cilëve ishin bashkëpunëtorë të Sigurimit.  Më 2 korrik 1946 gjykata komuniste dha dënimet, duke dënuar 9 persona me pushkatim. U akuzuan si bashkëpunëtorë të pushtuesit gjatë luftës si edhe se ishin përpjekur të rrëzonin regjimin, të lidhur edhe me “kriminelë lufte”, se do të bënin “akte sabotazhi”, se ishin “agjentë anglo – amerikanë”, se ishin në bashkëpunim me “reaksionin e brendshëm”

Ekzekutimi i vendimi u bë një ditë më vonë në prani të prokurorit Nevzat Haznedari, ora 5.00 të mëngjesit. Të dënuarit ishin monarkistë (M) dhe të rezistencës (R). Nga grupi socialdemokrat nuk u dënua askush me vdekje. Qenan Dibra dorëzoi një letër të drejtuar familjes, me lutje që t’i jepej asaj. Fjala e fundit e secilit në çastin e ekzekutimit ishte:

1-Talat Drini (M): Rroftë Shqipëria me Kosovën!     

2-Hivzi Golja (M): Rroftë Shqipëria me Kosovën!

3-Tut Mëniku (M): Rroftë Shqipëria me Kosovën!

4-Xhahit Koka (M): Rroftë Shqipëria me Kosovën!

5-Qenan Dibra (M): Rroftë Shqipëria me Kosovën!

6-Mehmet Beshiri (M): Rroftë Shqipëria me Kosovën!

7-Shaban Balla (R): Ju lë kujdes fëmijën!

8-Ali Kavaja (R): Rroftë Zogu i Parë, Mbret i Shqiptarëve. Rroftë Shqipëria me Kosovën.

9-Sami Çeribashi (R): Më në fund t’u plotësua dëshira o prokuror. Edhe ti një ditë do ta paguash si unë. Rroftë Shqipëria me Kosovën!

c035885ccb035bcf35db47ab3ad1ae89_XL.jpg

Modifikuar më E Enjte, 04 July 2019 18:27

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Dopieta e Casemiros mund Sevillan, Reali merr kreun

Sport

Dopieta e Casemiros mund Sevillan, Reali merr kreun

Reali i Madridit ka marrë një fitore 2-1 mjaft të rëndësishme në shtëpi kundër Sevillas. Heroi i takimit ka qenë Casemiro i cili ka realizuar një dopietë. Braziliani fillimisht shënoi...

Media iraniane: Kutitë e zeza të avionit të rrëzuar do të dërgohen në Ukrainë

Globi

Media iraniane: Kutitë e zeza të avionit të rrëzuar do të dërgohen në Ukrainë

Dubai – Kutitë e zeza të avionit ukrainas që u rrëzua aksidentalisht nga forcat iraniane këtë muaj, do të dërgohen në Ukrainë,  bëri të ditur agjencia e lajmeve Tasnim të...

Defekt në linjën e tensionit të lartë Cerunjë - Bulqizë, pa energji Peshkopia, Kukësi, Kruma etj.

Aktualitet

Defekt në linjën e tensionit të lartë Cerunjë - Bulqizë, pa energji Peshkopia, Kukësi, Kruma etj.

Operatori i Sistemit të Transmetimit njoftoi  para pak minutash se si rezultat i defektit në linjën e OST, 110-20/3 HEC Cerunjë - Bulqizë, jane pa tension, disa nënstacione si në Bulqizë, Krastë...

Sondazh

Nothing found!

Sondazh

Nothing found!