Policia e Tiranës ka ndaluar në kohë një automjet në rrugën "Ferit Xhajko", ku kryefamiljari i dehur qarkullonte me 120 km/ h ndërkohë që në makinë kishte gruan me dy fëmijët e vegjël.
Ndalimi ndodhi mbrëmjen e së premtes në kuadër të Planit Operacional “Tispol Gusht 2018” në kryeqytet në rrugët dhe zonat kryesore te evidentuara si “njolla te zeza” për shkak te ngjarjeve rrugore te ndodhura.
Gjithashtu raste ekstreme u konstatuan në rrugën e Kavajës” ku shpejtësia e lëvizjes së automjeteve varionte nga 93 km/h deri ne 99 km/h, ndërkohë që shpejtësia maksimale e lejuar është jo me shumë se 30 km/h.
Gjithashtu deri në këto momente janë arrestuar ne kushtet e flagrancës 5 persona, nga të cilët 4 në gjendje të dehur ishin 4 persona dhe 1 i papajisur me leje drejtimi.
Janë pezulluar 32 leje drejtimi nga të cilat, 20 për drejtim mjeti nen ndikimin e alkoolit dhe 12 për shpejtësi tej normave të lejuara si dhe janë ndaluar administrativisht 12 mjete për detyrime administrative të pashlyera.