Drejtoria e Përgjithshme e Tatimeve ka rikujtuar sot të gjithë tatimpaguesit, shoqëritë tregtare dhe personat juridikë, se afati i fundit për deklarimin dhe pagesën e tatimit të mbajtur në burim për dividentët është data 20 gusht, pavarësisht nëse është kryer apo jo pagesa e dividentëve për përfituesit.
Në qoftë se do të ketë mosdeklarimi apo mospagesë në afat të tatimit mbi dividentët, kërcënon Drejtoria, zbatohen dispozitat e ligjit nr.9920, datë 19.05.2008 “Për procedurat tatimore në Republikën e Shqipërisë”, i ndryshuar që parashikojnë: penalitet në vlerën 10,000 lekë për mosdorëzim në afat të deklaratës të tatimit të mbajtur në burim, si dhe penalitet të barabartë me 0.06% të shumës së detyrimit të papaguar për çdo ditë gjatë së cilës pagesa nuk është kryer.