Një karburant është grabitur mbrëmjen e djeshme në Lezhë.
Një rojë karburanti ka mbetur i plagosur gjatë grabitjes që iu bë mbrëmë rreth orës 22:30 minuta. Grabitësi i cili ka qenë i maskuar dhe me një automjet pa targa është përleshur me rojën e pikës së karburantit ‘Emanuel Gaz’ në rrugën dytësore Lezhë-Rrilë duke e lenë të plagosur.
Roja është dërguar menjëherë drejt Spitalit të Tiranës ndërsa në vendngjarje kanë mbërritur menjëherë forcat e policisë që janë vënë në ndjekje te autorit, i cili ka qenë i vetëm, ndërsa janë sekuestruar kamerat e sigurisë për të parë nëse mund të bihet në gjurmët e autorit.
Grabitësi ka mundur të marrë një sasi të konsiderueshme parash dhe është larguar, por ende nuk është saktësuar edhe vlera që i është marrë pikës së karburantit ‘Emanuel Gaz’.