Gjykata greke ka marrë vendimin në lidhje me Edmond Bego, të arrestuarin e dy ditëve më parë për llogari të drejtësisë italiane.

Gjykata ka vendosur “arrest me burg” për Begon.

Edmond Bego, biznesmeni shqiptar që u ndalua nga policia greke teksa kthehej për në Shqipëri nga Korfuzi ku bëri pushimet me familjen, është arrestuar për llogari të shtetit Italian, pasi sipas policisë greke, ndaj tij rezulton i lëshuar një urdhër arresti nga autoritetet italiane për pjesëmarrje në organizatë kriminale, kontrabandë dhe trafikim të drogës (heroinë – kokainë).

Sipas policisë greke në momentin e ndalimit, 48 vjecari kishte një pasaportë me emrin e ndryshuar në Mond Bega dhe me anë të këtij dokumenti kishte kaluar nga Shqipëria për në Korfuz.

Për të njëjtën cështje që policia greke arrestoi biznesmenin, ai është arrestuar edhe vite më parë në Shqipëri, asokohe nën emrin Manoli Bega.

Çështja për Begon ndodhet në prokurorinë e Korfuzit.

Bëhet me dije se Edmond Bego do të qëndrojë në burgun e Korfuzit derisa të ketë një kërkesë nga Itali.