Një i ri shqiptar është arrestuar në aeroportin e Malpensas, Itali duke tentuar për të hipur në avion drejt Tiranës.
Ndaj 23-vjeçarit shqiptar ishte lëshuar një urdhër arresti ndërkombëtar nga Policia Gjermane.
Siç bëhet e ditur, shqiptari ishte në kërkim për vrasje, pasi kishte goditur një grua gjermane gjatë një tentative për vjedhjen.
Shqiptari me banim në Aachen, Gjermani, kishte shkuar për të vjedhur një banesë, por ishte vënë re nga e zonja e shtëpisë.
Ai kishte qëlluar një grua, duke e lënë të plagosur rëndë.
Më pas ajo kishte humbur jetën në spital.
Shqiptari është prangosur dhe dërguar në burgun e Busto Arsizio në Milano, ndërsa pret vendimin e gjykatës për ekstradimin e tij në Gjermani.