Edmond Bego u ndalua pak ditë më parë në Korfuz, dhe pas verifikimeve nga ana e autoriteteve greke është lënë i lirë, thonë burime mediatike.

Interpol Roma ka njoftuar autoritetet greke se Bego nuk ka qenë në kërkim ndërkombëtar, ndryshe nga sa u tha fillimisht.

Edmond Bego, biznesmen në fushën e ndërtimit është dënuar në Itali me 21 vite burg për trafik droge dhe më pas i është konvertuar dënimin në 4 vite e 4 muaj në Shqipëri, pasi ka përfituar nga disa hapësira ligjore. Kjo e shmang atë nga çdo lloj detyrimi në shtetin italian, pasi dënimi rezulton i shlyer në Shqipëri. Ai njihet ndryshe si mik i Aldo Bares, kreu i bandës së Lushnjës.