Kanë dalë detaje të reja lidhur me vrasjen që ka ndodhur në orët e para të mëngjesit të sotëm në lagjen numër 8 te qytetit të Korçës.

Burime të policisë bëjnë me dije se viktima Novruz Shyti është vrarë, ndërsa fillimisht është dhunuar barbarisht me grushte dhe sende të forta.

Sakaq nga ana e policisë është identifikuar autori dhe është shoqëruar në komisariat për të marrë deklaratwn. Janë gjetur njolla gjaku në vendin e ngjarjes, pranë banesës së viktimës.

Kanë mbërritur ekspertë nga Tirana për të bërë autopsinë. Viktima ka qenë në gjendje të dehur dhe është konfliktuar fillimisht me autorin. Më pas autori ka shkuar në banesë dhe e ka goditur derisa i ka shkaktuar vdekjen.