Po intervistonte live Denis Manturov, ministrin e industrisë dhe tregtisë të Putinit, kur gazetarja Daria Kozlova rrëzohet papritmas.
Në transmetimet e drejtpërdrejta ndodhin shpesh herë gjëra të papritura dhe kjo i ndodhi gazetares Kozlova.
Asaj nisën t’i rrotulloheshin sytë kur po merrte në pyetje ministrin Manturov, i cili u përpoq ta mbante kur e kuptoi se diçka nuk shkonte. Por gazetares i bie fare të fikët dhe rrëzohet.
Kamera pastaj kthehet në studio dhe momenti i rrëzimit të gazetares ndërpritet nga intervista e plotë me ministrin.
Intervista u zhvillua në ekspozitën e ushtrisë, të organizuar nga Ministria e Mbrojtjes së Rusisë, shkruan Daily Mirror.
Thuhet se tanimë gjendja e gazetares është e mirë, por ende nuk ka patur ndonjë konfirmim nga vetë ajo.