Kryetarja e Bashkisë së Shkodrës Voltana Ademi akuzon Policinë e Shkodrës se në përbërje të saj ka persona të lidhur me krimin. Këtë deklaratë ajo e bëri në emisionin “Opinion” në TV Klan, ku diskutohej për situatën kriminale në qytetin verior.

Kryebashkiakja Ademi ngriti shqetësimin se situatë në Shkodër është e rëndë dhe policia duhet të japë mesazhin te qytetarët se po lufton krimin.

“Pres nga ju duhet të jepni mesazhin që, policia do të ketë vullnetin dhe instrumente për të bërë punën e vet, të lirojë personat e inkriminuar që janë në Policinë e Shkodrës“, iu drejtua Voltana Ademit, zëvendësministrit të Brendshëm Besfort Lamallari, i cili ishte gjithashtu i ftuar në emision.

Kryetarja e Bashkisë së Shkodrës, Voltana Ademi, deklaroi se përhapja e krimit në Shkodër ka detyruar dhjetëra biznese të largohen çdo ditë.

Në debat me zëvendësministrin e Brendshëm, kryebashkiakja tha se situata në kryeqendrën e veriut është negative, ndërsa u bëri të ditur se si kryebashkiake është shprehur e gatshme për të ndihmuar uniformat blu të qarkut Shkodër.