Policia e italiane ka arrestuar në orët e para të mëngjesit të ditës së sotme një grup të rrezikshëm kriminal italo-shqiptarë me aktivitet në trafikun e drogës, armëmbajtje pa leje, kërcënim e zhvatje me dhunë ndaj sipërmarrësve në provincën e Bergamos.
Kështu policia ka vënë në pranga 7 persona, shtetas shqiptarë e italianë identiteti i të cilët ende nuk është zbardhur nga policia italiane raportojnë mediat italiane.
Ndërsa 6 anëtarë të tjerë të këtij grupi kriminal janë arrestuar gjatë hetimeve të mëparshme të këtij operacioni. Ndaj 3 anëtarë shqiptarë të bandës rëndon dhe akuza e trafikut të drogës, ndërsa ndaj një tjetër anëtari po shqiptar, rëndon dhe akuza e shkeljes së ligjit të emigracionit.
Me anë të metodave mafioze, dhunës fizike e kërcënimit me vdekje kjo bandë kriminale kërcënonte biznesmenët e zonës të paguanin shuma të mëdha parash për të garantuar mbrojtjen e aktivitetit të tyre.
