Socialistët nuk lenë stinë që t’u ikë pa i shfrytëzuar dhe marrë frytet nga të mbjellat e kohës. Ndërsa pranvera dhe vera shfrytëzohet për mbjelljen e kanabisit, Taulant Balla përqendrohet edhe për stinën e vjeshtës dhe të dimrit.
Sigurimi i druve të zjarrit për ngrohje, për banorët në zonat rurale, përbën një proces jetësor , hyrja në fuqi e ligjit të moratoriumit në pyje i cili nisi të zbatohej që prej datës 11 shkurt 2016.
Një masë kjo për të përqendruar tregun e druve vetëm në dorë të pushtetarëve. Dhe këtë treg rezulton ta ketë kapur Taulant Balla. Epiqendra e këtij biznesi është fshati Stravaj dhe ortakët janë Taulant Balla dhe Flamur Veizi, miku i deputetit të Librazhdit. Ky i fundit u arrestua njëherë për prerje të pyjeve në zonën e Librazhdit por me ndërhyrjen e Ballës u lirua në vitin 2016.
Në fakt qytetarëve nuk u intereson shumë se tek kush i blejnë drutë e ngrohjes, por çmimi i tyre.
Me shpalljen e moratoriumit të pyjeve , sipas vendimit të qeverisë , shitja e materialit drusor të pyjeve publike, me qëllim ngrohjen e popullsisë, bëhet vetëm nga bashkitë, drejtpërsëdrejti te popullata apo enti shtetëror, ndërkohë që transporti i lëndës drusore për ngrohje mund të realizohet nëpërmjet të kontraktuarit të saj nga vend depozitimi deri në destinacionin e blerësit . Në pikën 11 të këtij vendimi përcaktohet se “ Sasia e lëndës drusore së prerë i dorëzohet bashkisë e cila më pas e magazinon dhe e administron atë sipas planifikimeve të miratuara paraprakisht nga drejtoria përkatëse në Ministrinë e Mjedisit . Pas marrjes në dorëzim nga bashkia shitja e tij në pikat e depozitimit bëhet sipas tarifave të përcaktuara në vendimin nr.391 dt 21.3.2006 të Këshillit të Ministrave , “ Për përcaktimin e tarifave në sektorin e pyjeve dhe të kullotave” . Sipas tabelës së tarifës bazë të lëndës drusore (në këmbë) që shoqëron këtë vendim pika 1 a) përcakton dhe çmimin e lëndes drusore si ; ah për m3 (e mesme dhe e trashë mbi 22 cm vlerësohet me çmimin 2400 lekë , ndërsa çmimi i dushk-ut për m3 (e mesme dhe e trashë mbi 22 cm ) vlerësohet me çmimin 2700 lekë.
Por sot, në fushat e licensuara lënda drusore kap dyfishin e tarifave të përcaktuara nga Këshilli i Ministrave, vlera të cilat variojnë për drurin e ahut nga 5000 ( katërmijë e shtatëqind) lekë deri 6000 ( pesëmijë) lekë, ndërsa druri i dushkut kap vlera akoma më të larta.
Pra a është e mundur që familjet të përballojë një kosto të tillë, në qytete ku papunësia është në rritje dhe mungesa e investimeve në këtë sektor është shumë e ndjeshme , ku paga e punëtorit në sektorin privat është minimale nga pamundësia e këtij të fundit për të shlyer të gjitha detyrimet.
