Aurel Plasari i ftuar në studion e “Opinion” e ka cilësuar si alarmante situatën e mbylljes së qindra shkollave në vend. Duke argumentuar situatën e arsimit në vend Plasari e shikon si braktisje nga shteti të shkollave publike.
“Shteti ka braktisur shkollën publike” shprehet Plasari duke u nisur nga të dhënat e ISTAT ku tregohet se shqiptarët janë të parët në rajon që shpenzojnë më së shumti për arsimin dhe kryesisht në sektorin privat.
Ndër të tjera Plasari argumentoi se “është shumë e dyshimtë sepse do duhet të kishte një informacion të saktë pse mbyllen shkollat. Bëhet një studim i cili propozohet nga Bashkia apo komuna se pse duhen mbyllur shkollat”.