Mediat amerikane kanë zbuluar detaje të reja nga vrasja e shqiptarit Grei Frashëri, duke bërë të duitur që autori i kësaj vrasje është arrestuar tashmë.
Në pranga ka përfunduar një 35-vjeçar i quajtur Anthony Valenti, i cili dyshohet se ka qëlluar disa herë në drejtim të 23-vjeçarit shqiptar të premten e 7 shtatorit.
Mediat vendase shkruajnë se asnjë nga të shtënat e 35-vjeçarit nuk e goditi Frashërin, por ishte bashkëpunëtori i tij, ai që e qëlloi me thikë në pjesën e qafës duke i shkaktuar vdekjen, në atë që policia beson se ishte një konfrontim për çështje që lidhen me marijuanën.
Valenti, i cili jeton në Bensonhurst, ka 10 arrestime të mëparshme, përfshirë për drogë dhe drejtim të mjetit në gjendje të dehur, tha një burim policor.