Bosi i organizatës mafioze italiane Sarca Corona Unita është bërë bashkëpunëtor i drejtësisë dhe premton se do të tregojë emrat e personave me të cilët kryente trafikun e drogës dhe një seri aktesh të tjera kriminale.

Bëhet fjalë për Tommaso Montedoro kreu i klanit Casarano, i konsideruar si një nga mafiozët më të rrezikshëm në Salento.

Ai u arrestua në vitin 2006 teksa transportonte drogë në një makinë të modifikuar, ku gjatë ndjekies plagosi edhe një polic.

Në vitin 2017 41-vjeçari u arrestua sërish gjatë një aksioni të madh anti-drogë së bashku me 14 persona të tjerë. Sipas autoriteteve italiane ai bashkëpunonte me shqiptarë në trafikun e heroinës dhe kokainës.

Montedoro pritet të dënohet me 30 vite burg. Ai akuzohet edhe për urdhërimin e vrasjes së pronarit të një restoranti në 1998 në Casarano, si dhe në vitin 2016 për porositjen e vrasjes së ish kolegut të tij mafioz Augustino Potenza.