Deputetja e LSI-së Slvia Caka nëpërmjet një postimi në Facebook ka reaguar ndaj dhunës së ushtruar nga policia kundrejt fëmijëve që protestonin për mbylljen e shkollës në fshatin Mëngel të Elbasanit duke e cilësuar policinë mbrojtësi e personave që shpërndajnë hashash nëpër shkolla dhe alergjike ndar atyre që kërkojnë të arsimohen.

Për Cakën, policia nuk lëviz gishtin për arrestimin e Rrexhepit, Rrahamit , Taulantit dhe Sajmirit dhe por ka alergji nga nënat që mbrojnë të drejtat e fëmijve të tyre.

Postimi i plotë:

Policia që i mbron shpatullat atyre që shpërndajnë hashash nëpër shkolla, është alergjike ndaj fëmijëve që kërkojnë të arsimohen;
Policia që nuk lëviz as gishtin të arrestojë Rexhepin, Rrahmanin, Taulantin e Sajmirin, që dhunojnë e helmojnë fëmijë nënash, ka alergji nga nënat që mbrojnë të drejtat e fëmijëve të tyre.
E ç’mund të presësh tjetër kur në krye kanë një dhunues kronik të grave dhe mohues të fëmijëve të tij?!