Policia e Tiranës ka bërë me dije ditën e sotme se është arrestuar Geldo Hoti, 37 vjeç, banues në Tiranë.

Blutë e Tiranës theksojnë se arrestimi i  Geldo Hoti, 37 vjeç, është bërë pasi ka qenë i pranishëm gjatë konfliktit mes Ervis Martinajt dhe Ervin Matës, në ambientet e brendshme të një lokali në rrugën “Ibrahim Rugova” dhe dyshohet të ketë qëlluar me armë zjarri gjatë konfliktit ku mbeti i vrarë shtetasi F. G., dhe u plagosën shtetasit E. M., dhe E. H.

Deri tani është thënë si i vetmi që ka qëlluar ka qenë një komando, ndërsa duket se edhe ka qëlluar me armë. 

Ngjarja e rëndë ndodhi të enjten, ku pas një përplasje me armë, mbeti i vrarë një person, ndërsa i plagosën dy të tjerë.

Përplasja nga se bëhet e ditur ka ardhur mes Ervis Martinajt dhe Ervin Matës, duke bërë kështu që dy truprojat të nxjerrin armët.

Policia e Tiranës thekson se materialet hetimore iu referuan Prokurorisë së Rrethit Gjyqësor Tiranë në ngarkim të shtetasit të lartpërmendur për veprat penale “Vrasje në rrethana të tjera cilësuese kundër dy ose më shumë personave, mbetur në tentativë e kryer në bashkëpunim” dhe “Prodhimi dhe mbajtja pa leje e armëve luftarake dhe municionit”.