Një aksident zinxhir që transportonte maturantët e Gjilanit ka ndodhur sot në Tiranë. Mediat kosovare shkruajnë se aksidenti ka ndodhur rreth orës 11:00 të ditës së djeshme, ndërsa publikohen edhe pamjet.
Nxënësit po ktheheshin nga ekskursioni i tyre në Shqipëri, ku njëri nga autobusët është përplasur me tjetrin afër Aeroportit të Rinasit, ndërkohë që ishin nisur për në Shkodër.
“Nga ky aksident, tre nxënës kanë marrë lëndime të lehta, të cilët janë trajtuar menjëherë në Spitalin Ushtarak në Tiranë”, ka thënë Zyrtari për informim në Komunën e Gjilanit, Ibrahim Ademi.
Sipas Ademit, gjendja e nxënësve të lënduar është përmirësuar dhe të gjithë janë kthyer në familjet e tyre në Gjilan.