552 kilogram mish të bllokuar dhe 8 gjoba në vlerën 1.800.000, është bilanci i aksionit të Autoritetit Kombëtar të Ushqimit në Elbasan.
Konkretisht, gjatë kontrollit të ushtruar në tregjet e Elbasanit u konstatuan dhe sekuestruar 18 kilogram peshk me destinacion asgjësim dhe 40 kilogram mish dele pa vulë dhe certifikatë veterinare.
Ndërsa, në disa subjekte me aktivitet “restorant”, “dyqan mishi” dhe “Stabiliment përpunim produkte mishi” u konstatuan 300 kilogram mish të ngrirë, 118 kilogram mish vici, mishi 51 kilogram mish lope, 5 kilogram mish qengji, 20 kilogram mish derri të pa vulosur dhe të pa certifikuar si dhe 950 kilogram miell, 20 kalastrela pa element gjurmueshmërie.
Autoriteti Kombëtar i Ushqimit me qëllim garantimin e sigurisë ushqimore, i bën thirrje sërish konsumatorëve që të jenë të kujdesshëm në blerjen e produkteve shtazore duke kërkuar informacione në njësitë e tregtimit të mishit që të jetë i vulosur, i shoqëruar me certifikatë veterinare, kuponin tatimor, si mjet për sigurinë e gjurmueshmërisë së produktit.
