Në kuadër të diskutimeve për ndryshimet e paketes fiskale për vitin 2019, Biznes Albania ka kërkuar këtë të hënë, që TVSH për bukën, ujin dhe energjinë elektrike të ulet në krahasim me vlerën që paguajnë aktualisht.

Ka qenë kreu i Biznes Albania, Luan Bregasi që ka bërë të ditura propozimet.

Bregasi tha, se këto propozime i janë bërë të njohura Ministrisë së Financave dhe kërkohet që të meren parasysh.

“ Nga vendet e rajonit, çmimi i energjisë elektrike është gati dyfish. çmimi i ujit është gati 200% më i lartë se në vendet e rajonit.

Shoqata e Prodhuesve të Bukës ka propozuar që TVSH-ja e bukës nga 20% të bëhet 10% sepse kaq e kanë dhe të gjithë vendet e rajonit,

Përsa i përket ndryshimeve të propozuara nga qeveria biznesi i vlerëson pozitive por sugjeron që tatimi për pagat e larta të ulet më shumë për të rritur në këtë mënyrë formalizimin”

Sa i përket tatimit për pagat e larta, Bregasi ka propozuar, që ai të ulet, pasi vetëm ksëhtu mund të luftohet informaliteti që aktualisht ekziston.

“ Profesione që paguhen shtrenjtë, paguhen mirë dhe kjo është në interes të shtetit dhe në interest ë ekonomisë. Sigurisht në rast ase unë do të propozoja mbi 200 mijë lekë të reja dhe lart, duhet të ishte me 10%.

Paketa fiskale për vitin e ardhshëm pritet që të nisë së shpejti diskutimet në Komisionet Parlamentare për të kaluar më pas për votim në parlament”.

Ministria e Financave ka propozuar disa ndryshime në paketën fiskale për vitin 2019 dhe pritet që shumë shpejt këto propozime të diskutohen nëpër komisionet parlamentare dhe me grupet e interesit.

Pas përfundimit të kësaj faze, këto ndryshime do të kalohen për miratim edhe në Kuvend.