Është krejt normale që një shkollë e kujtdo niveli të shpërndajë në rrjete sociale mesazhe nga ministri i Arsimit. Mesazhe për arsimin, për programet, etj. Por gjimnazet nuk mund të përçojnë mesazhet politike të ministrit kur ai flet e shkruan si politikan. Është njësoj sikur deklaratat politike të ministrit të Mbrojtjes kundër opozitës të diskutohen në kazermat e ushtrisë. Shkolla është e depolitizuar. Nuk mund të bëhet politikë aty. Por ata që në emër të shkollës shpërndajnë deklarata nga aktivitetin politik të ministrit me deklarata kundër opozitës, janë të papërgjegjshëm tërësisht. E urrejnë jo vetëm opozitën, por në tërësi këtë vend. Nuk kanë as cipë e as duan të ketë cipë. E pëlqejnë veten të jenë ushtarë të partisë, ose thënë copë, të jenë komunistë në demokraci.