Hillary Clinton, ish-Sekretarja e Shtetit në SHBA në një intervistë për CBS ka thënë se afera e bashkëshortit të saj, Bill Clinton, me Monica Lewinskyn teksa ai ishte në Shtëpinë e Bardhë nuk ishte një abuzim i pushtetit, pasi Lewinsky ishte 22-vjeç dhe ishte e rritur.
Me këtë rast, ajo vuri në dukje se Bill Clinton kishte vepruar si duhet, sepse ai nuk kishte dhënë dorëheqjen nga posti i presidentit për shkak të skandalit, pasi u konfirmua se kishte gënjyer lidhur me këtë çështje. Kur u pyet nga CBS nëse ishte dashur të largohej nga posti, siç kishin kërkuar disa, Hillary u përgjigj: “Absolutisht jo”.
“Më lejoni t'ju pyes diçka. Ku është hetimi për presidentin aktual kundër të cilit janë bërë shumë akuza, dhe ai i mohon, i hedh poshtë dhe tallet me ta? Ishte një hetim kundër Billit dhe besoj se gjithçka kishte të drejtë”, tha Hillary Clinton, transmeton KP.
Ajo i bëri këto deklarata pas pretendimeve të dyshuara për vepra seksuale kundër Donald Trumpit dhe presidentit të Gjykatës së Lartë Brett Kavano.
