‘Të lirohet menjëherë ose të na fusin të gjithë në burg, më mirë në burg sesa kështu rrugëve si na kanë lënë këta’, janë shprehur banorët që prej ditësh protestojnë për prishjen e paligjshme të shtëpive të tyre.
Qytetarë të shumtë janë mbledhur përballë komisariatit duke kërkuar lirimin e menjëhershëm të Dorian Potoduarit.
Dorian Protoduari, është një prej mijëra banorëve që rrezikohet që t’iu prishet banesa në kuadër të projektit të ndërtimit të Unazës së Madhe.
Shoqërimi i tij është bërë në ambientet e komisariatit numër 6 në kryeqytet, pak pasi ai kishte bërë thirrje që ditën e hënë protesta të zhvendosej para Bashkisë së Tiranës.
3 deputetët e PD-së Klevis Balliu, Gent Strazimiri dhe Flamur Noka ndodhen në Komisariatin 6,
që gjithashtu kanë kërkuar lirimin e menjëhershëm të protestuesit.
