Me vendimin nr.665, datë 6.11.2018 të Këshillit të Ministrave, z.Sandër Lleshaj, ish gjeneral, u emërua zëvendësministër i Brendshëm. Sipas fjalës së thënë prej kryeministrit, ai do ishte zëvendësministri i parë. Ministria e Brendshme u bë kështu me 5 zëvendësministra, gati sa një këshill ministrash i kohës së Zogut. Ajo që të bën përshtypje këtë rast, është se ende nuk dihet kush e ka autorizuar z.Lleshaj të ushtrojë detyrat e ministrit. Vendimi i emërimit të tij si zëvendësministër është botuar në kohë rekord numrin 156, datë 6.11.2018 të “Fletores Zyrtare” ndërsa delegimi i kompetencës ende nuk dihet. Në “Fletorja Zyrtare” janë botuar lloj-lloj delegimesh, madje edhe ajo e Fondit të Sigurimit të Detyrueshëm të Kujdesit Shëndetësor”, ndërsa kjo për ministrin e Brendshëm jo. Ka diçka që nuk shkon. I vetmi që mund ta delegonte ishte ish ministri Fatmir Xhafaj. Zëvendësministrat, një tufë këtë rast, nuk kanë të drejtë të vetorganizohen. Sido që të jetë, kjo është shkelja e radhës ligjore e qeverisë së Edi Ramës.