Mbulimi i Shqipërisë me kanabis përgjatë viteve 2014-2017 nuk rëndon vetëm mbi Saimir Tahirin. Shqipëria u mbush me kanabis në kohën kur ministrinë e Brendshme e drejtonte ish-ministri Tahiri, por një detyrë po aq të rëndësishme kishte në atë periudhë edhe ministri aktual Sandër Lleshaj.
Lleshaj mbante postin e këshilltarit për sigurinë në periudhën më të errët të vendit. Lleshaj ishte këshilltar kur Edi Rama urdhëroi Tahirin të mbushte Shqipërinë me drogë, këshilltar për sigurinë kur krimi i organizuar dominoi dhe shtriu terrenin e tij në çdo cep të Shqipërisë. Ishte këshilltar për sigurinë kur radarët fikeshin me urdhër politik duke favorizuar trafikun e lëndëve narkotike dhe për këtë kemi përgjimet e Antimafias, ku Habilajt e ministri i tij e bënin të qartë që “në qendrën e monitorimit të radarëve kemi njerëzit tanë”.
Këshilltar për sigurinë ku droga mbushi çdo gjimnaz të Shqipërisë. Këshilltar për sigurinë kur raportet e CIA-s apo dhe të agjensive të tjera ligjzbatuese e rradhisnin Shqipërinë një vend kyç për trafikimin e lëndëve narkotike dhe drogërave të forta. Këshilltar për sigurinë kur kufijtë shqiptar kontrolloheshin nga krimi i organizuar. Këshilltar për sigurinë kur shefi i tij, bosi i drogës, i bënte thirrje Policisë së Shtetit të hiqte kapelet dhe të bënte fushatë për Partinë Socialiste, duke shkelur rëndë Kushtetutën e vendit.
Sandër Lleshaj krenohet sot se ka luftuar kanabisin, por përgjatë periudhës së kanabizimit nuk ka bërë asnjë raport.
Madje Rama këshillohej nga Lleshaj dhe deklaronte se Shqipqria nuk ishte e mbuluar nga kanabisi, ndërsa policia italiane dhe ajo greke raportonin tonelata hashash që kalonin kufijtë.