Një shpërthim me tritol ka tronditur sërish Fushë-Krujën. Burime nga policia bëjnë me dije se është shpërthyer lëndë plasëse në një ofiçinë.
Ngjarja ka ndodhur në fshatin Kamberas, në ofiçinën në pronësi të 36-vjeçarit, B.D,.
Shpërthimi është regjistruar rreth orës 03:00 të mëngjesit, ndërsa nuk raportohet për të lënduar në njerëz por vetëm dëme materiale, shkruan Newsbomb.al.
Ende nuk dihen motivet e kësaj ngjarjeje, ndërsa policia ka nisur hetimet për identifikimin dhe kapjen e autorit/ve.