Policia italiane ka sekuestruar 400 kg kanabis në një gomone që po u drejtohej brigjeve të Salentos. Raportohet se në pranga janë vënë dy trafikantët shqiptarë.

Operacioni ka zgjatur disa orë në det dhe pas ndjekjes, gomonia është bllokuar dhe trafikantët janë arrestuar. Kanabisi po transportohej nga Shqipëria në drejtim të Italisë me një gomone 6 metra të gjatë.

Nëse do të  hidhej në treg, lënda narkotike që ishte ndarë në 14 pako të mëdha, llogaritej që të kapte vlerën e 4 mln eurove. Që nga fillimi i vitit, nga Guardia di Finanza në Puglia, janë sekuestruar rreth 3 ton drogë, 9 gomone, ndërsa janë arrestuar 70 persona.