Kryeministri Edi Rama është pritur me protesta nga mbështetësit dhe simpatizantët e Partisë Demokratike në hyrje të qytetit të Librazhdit. Kryeministri Edi Rama pak më parë zhvilloi takime me banorët e Prrenjasit, ndërsa i bëri thirrje Metës që të lexonte mirë votimin e rezolutës në Kuvend me 100 vota.
Mbështetësit e selisë blu nga shtatë bashkitë e qarkut të Elbasanit kanë tentuar t’i zënë rrugën shefit të qeverisë, ndërsa ka patur edhe një përplasje mes tyre dhe policisë.
Sipas Ramës, zhdekretimi i zgjedhjeve të 30 qershorit nga Meta nuk është një gabim, por një faj, ndërsa shtoi se presidenti ka ende kohë të reflektojë për veprimin e kryer. Nga ana tjetër, Kreu i Shtetit , Ilir Meta e ka argumentuar se vendimi për shtyrjen e zgjedhjeve ishte hap i detyruar për të parandaluar një konflikt të civil mes qytetarëve. Ai shtoi se 30 qershori ishte kthyer si “betejë për jetë a vdekje” për partitë politike.