Gjyqtari i Fierit, Roland Hysi, i cili akuzohet për korrupsion është dënuar nga Gjykata për Krime të Rënda me 4 vite e 6 muaj burg, ndërsa për shkak të gjykimit të shkurtuar përfiton ulje dhe dënohet me 3 vite burg.
Gjithashtu i hiqet e drejta e funksioneve publike për 5 vite. Prokuroria kishte kërkuar ndërkohë në pretencë, 4 vite burg.
Hysi i kërkonte ryshfet dhe marrëdhënie seksuale një nënë të divorcuar, në këmbim të dhënies së kujdestarisë së fëmijës së saj, ngjarje kjo e trajtuar në një emision investigativ.
