Një ngjarje e rëndë ka ndodhur në qendër të qytetit të Shkodrës ku një 69-vjeçar ka goditur me sende të forta bashkëjetuesen e tij e cila për pasojë ka gjetur vdekjen. Ngjarja është regjistruar në afërsi të lagjes së “Parrucëve”.
Paraprakisht mësohet se auroti i krimit është shtetasi Bashkim Teli, i cili e ka vrarë gruan e tij brenda në ambientet e shtëpisë, nga ku e ka goditur me çekiç në kokë duke e lënë të vdekur në vend. Viktima është identifikuar si Suzana Shemuni, 58 vjeç, e cila ishte gruaja e dytë e autorit. Ata kishin tre vite që jetonin me njëri-tjetrin. Çifti njihej si problematik dhe se kishin grindje të vazhdueshme mes tyre. Ende nuk dihen shkaqet dhe motivet e ngjarjes që çuan në krimin makabër.
Ndërkohë policia ka arrestuar 70-vjeçarin duke e shoqëruar në komisariat.
Njoftimi i policisë
Nga Specialistët për Hetimin e Krimeve të Rënda në D. V. P Shkodër, u bë arrestimi i: Bashkim Teli, 69 vjeç, banues në Shkodër. Ky person mbrëmjen e djeshme në lagjen “Qemal Stafa”, në banesën e tij, për motive të dobëta ka goditur, disa herë në kokë me sende të forta (çekiç), bashkëjetuesen e tij shtetasen S.Sh., 58 vjeçe, e cila për pasojë ka gjetur vdekjen.
Në cilësinë e provës materiale policia ka bërë sekuestrimin e sendit me të cilin autori ka qelluar viktimën. Materialet hetimore do ti kalojnë Prokurorisë Pranë Gjykatës së Shkallës së Parë Shkodër për veprën penale “Vrasje për shkak të marrëdhënieve familjare”.
