Që prej mëngjesit të sotëm ka qarkulluar lajmi se i madhi Kadare, ishte në gjendje të rënduar shëndetësore. Lajmi u përhap nga një status në facebook i poetit Arti Lushi.
Por Shtëpia Botuese “Onufri’’ e Kadaresë e ka përgënjeshtruar këtë lajm të rremë duke thënë se Kadare gëzon shëndet të plotë dhe se ndodhet në rezidencën e tij verore në Malin e Robit, Golem, Durrës.
Ndërkohë që për të gjithë admiruesit e tij njoftohet se Kadare është në përfundim të librit të tij më të ri "Kur sunduesit grinden", i cili do të dalë në Panairin e Librit të Tiranës.
1 hr ·
KUR NJË BUDALLA HEDH NJË STATUS NË FACEBOOK
Shtëpia botuese Onufri përgënjeshtron me vendosmëri një lajm të rremë për shëndetin e shkrimtarit Ismail Kadare.
Jemi të autorizuar të njoftojmë të gjithë shqiptarët kudo që ata ndodhen, se Kadare gëzon shëndet të plotë dhe për momentin ndodhet në rezidencën e tij verore në Malin e Robit, Golem, Durrës. Kemi rastin e lumtur që t'ju bëjmë me dije lexuesve të tij të shumtë, se Kadare është në përfundim të librit të tij më të ri "Kur sunduesit grinden", i cili do të dalë në Panairin e Librit të Tiranës.
