Ceremonia për funeralin e këngëtares së ndjerë, Aretha Franklin do të mbahet më 31 gusht në vendlindjen e saj në Detroit, Miçigen.  Persona të afërt me këngëtaren para vdekjes së saj, kanë konfirmuar se ceremonia do të mbahet në Tempullin, Greater Grace, në të cilin do të marrin pjesë familjarët dhe miqtë.  Franklin, 76 vjeçare vdiq nga kanceri në pankreas dhe do të varroset në varrezat Woodlawn në Detroit. Një ceremoni përkujtimi për nder të saj është mbajtur të dielën në Kishën Baptiste, New Bethel, vend në të cilin Franklin kishte nisur këndimin. Në ceremoni është përmendur kontributi i saj për të drejta civile dhe puna për komunitetin lokal.  Edhe pse vijonte të jepte performanca të magjishme edhe në të 70-at e saj, superylli kishte anuluar në disa raste disa të tilla për shkak të trajtimeve mjekësore të pazbuluara në publik. Megjithatë, ajo ka mohuar të ketë luftuar tumorin në pankreas gjatë vitit 2011, edhe pse të 3 vëllezërit apo motrat e saj kanë qenë prè e tumoreve. Franklin është cilësuar Mbretëreshë e muzikës Soul.