“Artisti i vetmuar” në skenën e Teatrit Kombëtar, me mesazh për degradimin e artit

Tuesday, 20 August 2019 11:54

Beteja për të mbrojtur godinën e Teatrit Kombëtar duket se do të jetë e gjatë. Pas tentativave për të boshatisur godinën, qeveria është tërhequr, por për artistët dita kur fadromat të shkojnë aty mund të mos jetë shumë e largët. Përveç qëndrimit ditë e natë pranë godinës së teatrit, artistët kanë gjetur edhe një tjetër formë për të mbrojtur kauzën e tyre. Çdo dy ditë, artistët vendosin shfaqje të ndryshme për të treguar se teatri do vijojë të jetë edhe më gjatë dhe se është i përshtatshëm për të vënë shfaqje. Në krah të artistëve ka dalë edhe aktori dhe regjisori nga Kosova Naim Berisha, i cili vendosi dje veprën “Artisti i vetmuar”. Kjo vepër trajton dramën e brendshme të një artisti të madh, i cili për shkak të degradimit të artit dhe shijes së publikut, përjashtohet nga shoqëria me dhunë, që më vonë u vu në situata të skajshme jetësore dhe ekzistenciale. Naim Berisha ishte personazhi i vetëm i kësaj shfaqe, i cili mbante emrin Hans Klip. Në vepër, Hans Klip bëri prezantimin e tij të fundit para publikut të tij të zgjedhur, ku rrëfeu jetën e tij dhe momentet kulmore artistike në të kaluarën, si dhe dramën e tij në të tashmen. Në fund të tekstit, Hans Klip u largua i dëshpëruar jo vetëm nga arti i tij, por edhe nga vetvetja, duke rënë në humnerë të pakthyeshme dëshpërimi. Vepra “Artisti i vetmuar” dha një mesazh të qartë, ku u bëri thirrje për kthimin e vlerave kulturore në një shoqëri që është larguar nga vlerat e mirëfillta dhe paraqet protestën sublime kundër antivlerës.

Prishja e godinës së Teatrit Kombëtar

Vendimi i artistëve për të vënë në skenë shfaqje të ndryshme vjen në vijim të rezistencës së tyre për të kundërshtuar prishjen e godinës së teatrit. Rezistenca e artistëve vijon ende, të cilët shprehen të vendosur se nuk do lëvizin nga kauza e tyre deri në tërheqjen e qeverisë. Artistët në mbështetje edhe të shoqërive civile po protestojnë për rreth një muaj. Shumë emra të njohur të skenës dhe teatrit si aktori Neritan Liçaj, regjisorët Edmond dhe Robert Budina e shumë emra të tjerë janë shprehur njëzëri se do e mbrojnë me jetën e tyre teatrin, ku kanë shprehur edhe rëndësinë historike që ajo godinë ka për vlerat e vendit. Pak ditë më parë, Edmond Budina u shpreh se rezistenca për mbrojtjen e teatrit do të vazhdojë, duke shtuar se janë artistët ata që e drejtojnë demokracinë dhe jo politikanët. “Politikanët shkojnë e vijnë, qytetarët mbeten. Në duhet ta drejtojmë demokracinë. Këtej e tutje mos na lini vetëm. Prej një viti e gjysmë që jemi natë për natë dhe kemi 5 net që po e gdhijmë këtu. Ju falënderoj me shpirt që jeni këtu. Ne do të jemi këtu deri në fund, derisa sa të bjerë kjo qeveri dhe të rikonstruktohet ky teatër. Ne nuk tërhiqemi”, u shpreh Edmond Budina.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

“Pse nuk u ule tek vendi i VIP-ave?” Albin Kurti i jep tifozit përgjigjen epike

Bota Shqiptare

“Pse nuk u ule tek vendi i VIP-ave?” Albin Kurti i jep tifozit përgjigjen epike

Në një video që po bën xhiron e rrjetit kryeministri i ri i Kosovës Albin Kurti është filmuar në tribunat e stadiumit “Fadil Vokrri” kur po zhvillohej ndeshja Kosovë –...

Rihana boton librin e saj me 1,050 fotografi, nuk do ta besoni sa kushton

Show-biz

Rihana boton librin e saj me 1,050 fotografi, nuk do ta besoni sa kushton

Rihana është një prej këngëtareve me famë botërore, që ka botuar dhe nxjerrë në treg librin e saj autobiografik. Por ky libër ka të përfshirë plotë 1,050 fotografi të Rihanës, ku...

Sot publikohet lista më kandidatët për Topin e Artë

Sport

Sot publikohet lista më kandidatët për Topin e Artë

Revista prestigjioze franceze “France Football” do ta publikojë sot pasdite listën me kandidatët për Topin e Artë 2019, me Lionel Messin dhe Cristiano Ronaldon që do ta vazhdojë rivalitetin për...

Sondazh

Nothing found!

Sondazh

Nothing found!