Artisti Klod Dedja rikthen në vëmendje protestat ndaj shkatërrimit që po i bëhet perlës së Valbonës , më 24 maj, ora 21.00 në sheshin “Skënderbej”
“Unë jam Valbona” nis si një koncept i bashkëveprimit të artit konceptual bashkëkohor me argumentin e lumit Valbona. Një argument tejet shqetësues për mbarë kombin Shqiptar, kundër ndertimeve monstruoze në këtë zonë perlë të pasurive natyrore të veriut të Shqipërisë. "Si artist reagova me përfshirjen time për të realizuar një protestë të vetë Valbonës, pra të ishte pikërisht Valbona që proteston me gjithë madhështinë e saj vizuale dhe sonore. “ Un jam VALBONA perla e ksaj toke...dhe po du me fol...”, është pikërisht esenca e një projekti instalativ, konceptuar të realizohet në sheshin Skenderbej Tiranë më datë 24 Maj ora 21.00. Ky projekt përmban anën vizuale të furisë si zemërim të Valbonës dhe zeri i saj origjinal do të ushetijë në qendrën e kryeqytetit si një alarm për të reflektuar dhe ndaluar shkatërrimin e perlave Shqiptare. Kjo formë arti-proteste tenton ti japë Valbonës forcën e vetë-protestimit në publik.
