Një intervistë e dhënë në KTV u bë shkak për disa debate në Kosovë. Ambasadori amerikan Greg Delawie u shpreh se SHBA nuk e mohon se në Bruksel do të flitet për territore, por vendimi do u lihet palëve.
Nëpërmjet një postimi në twitter ai mohon që deklarata e tij të ketë lidhje me atë çfarë u përfol, se do të ketë shkëmbime territoresh mes Kosovës dhe Serbisë.
“Injoroni lajmin e rremë. Ja se çfarë kam thënë, “Kosova duhet të kuptojë se cilat janë qëllimet e saj, ajo duhet të përpiqet të arrijë një lloj konsensusi mbi këto qëllime dhe kjo është ajo që unë po përqendrohem tani”, ka shkruar Delawie.