Vetëm një ditë pas publikimit të lajmit se Kryeministri i Kosovës Ramush Haradinaj është kërcënuar dhe për këtë arsye ka shtim të forcave të sigurisë që e ruajnë, ai i është përgjigjur interesit të gazetarëve për këtë çështje.
Mesa duket, Haradinaj e ka marrë me sportivitet këtë problem. Gjatë konferencës së sotme me mediat, kryeministri i Kosovës ka bërë batuta me gazetarët, të cilët i ka bërë të qeshin. Pyetjes se a e ndjen veten të rrezikuar Haradinaj iu përgjigj se ‘ai po i ruan policët’.
“Për kërcënimin, po, unë po i ruaj do policë, i kam bukur do, mirë jam kah i ruaj. Unë jam kah i mbroj mirë, rehat janë. Për besë jam kah i ruaj mirë, nuk janë ankuar diçka. Ju siguroj që të sigurt janë, vetini, edhe unë jam i sigurt”, ka thënë Haradinaj me shaka.
