Kryetari i Grupit Parlamentar të Lëvizjes Socialiste për Integrim, Petrit Vasili, në një postim në rrjetet sociale ka shkruar se Plani Ahtisari, Deklarata e Pavarësisë dhe vendimi i Gjykatës Ndërkombëtare të Drejtësisë e kanë zgjidhur diskutimin e kufijve të Kosovës.

Ai e ëcilësoi rihapjen e diskutimeve si “riciklim të së shkuarës së errët dhe të zymtë”

Postimi i plotë i z. Vasili

Deklarata e Pavaresise dhe Plani Ahtisaari asgjesojne riciklimin e te shkuares ne Kosove.

Riciklimi i te shkuares se eger dhe te zymte eshte reja e erret, qe ka filluar te cfaqet mbi Kosove.

Diskutimin e teritoreve e ka zgjidhur Deklarata e Pavaresise dhe Plani i Ahtisaarit.

Cdo rihapje e debatit riciklon te shkuaren e erret te cilen Kosova se bashku me SHBA dhe te tjere e zgjidhen me lufte.

Megjithate per kedo,qe i eshte erresuar memorja po i risjell edhe nje here pjese nga tre dokumente qe jane themeli i Kosoves se pavarur dhe saktesisht 1.percaktimin e kufijve ne Aneksin VIII te planit te Ahtisaarit, 2.percaktimin ne Deklaraten e Pavaresise dhe 3.Vendimin e Gjykates Ndrekombetare te Drejtesise.

1.Aneksi VIII i Planit Ahtisaari:

"3.2. Territori i Kosovës do të përkufizohet nga vija kufitare e Krahinës Socialiste

Autonome e Kosovës brenda Republikës Socialiste Federative të Jugosllavisë ashtu

siç kanë qenë këto vija kufitare më 31 dhjetor 1988, përveç ndryshimit të vijës

kufitare nga marrëveshja e demarkacionit në mes të Republikës Federative të

Jugosllavisë dhe ish Republikës Jugosllave të Maqedonisë më 23 shkurt 2001."

2.Ja ç ‘thotë Deklarata e Pavarësisë:

"1. Ne, udhëheqësit e popullit tonë, të zgjedhur në mënyrë demokratike, nëpërmjet kësaj Deklarate shpallim Kosovën shtet të pavarur dhe sovran. Kjo shpallje pasqyron vullnetin e popullit tonë dhe është në pajtueshmëri të plotë me rekomandimet e të Dërguarit Special të Kombeve të Bashkuara, Martti Ahtisaari, dhe Propozimin e tij Gjithëpërfshirës për Zgjidhjen e Statusit të Kosovës."

3.Vulen perfundimtare i gjithe ky proces qe Kosova e kishte pritur me per dhjetra e mori në 22 korrik 2010 kur Gjykata Ndërkombëtare e Drejtësisë shpalli vendimin e saj për Shpalljen e Pavarësisë së Kosovës me të cilën "Vlerësonte se Deklarata nuk ka shkelur të drejtën ndërkombëtare, dhe se autorët ishin duke vepruar në cilësinë e tyre si përfaqësues të popullit të Kosovës."

Keto tre dokumente jane kolonat qe percaktojne Kosoven e pavarur dhe me integritet teritorial absolutisht te padiskutueshem te njohur nga 119 vende te botes eshte sot shtet qe ulet si i barabarte ne cdo tavoline.

Keto tre dokumente i lejojne Kosoves qe te ece ne rrugetimin jetik europian.

S'ka fuqi dhe tavoline qe i zhben dot keto tre dokumente.

Dialogu me Serbine ka nje premise te pakapercyeshme per te vazhduar me tej njohjen e Kosoves.

Sa kohe qe kjo nuk ka ndodhur kjo, debatet per "korigjime" e "redaktime" kufijsh jane debate verore,qe zgjasin sa vapa e gushtit.