Banka e Shqipërisë kërkon të ulet përdorimi i euros, qeveria nuk merr asnjë masë

Premte, 09 August 2019 09:02

Një nismë e Bankës së Shqipërisë për të ulur përdorimin e euros në ekonominë shqiptare duket se nuk ka pasur ecuri të mbarë, për shkak se qeveria nuk ka marrë masa për kufizimin e euros në ekonominë reale.

Banka e Shqipërisë, në një analizë të posaçme për ecurinë e deeuroizimit në gjashtëmujorin e parë vuri në dukje se, edhe pse përdorimi i euros në sistemin bankar (depozita, kredi) u ul lehtë për shkak të ndryshimeve strukturore të konstatuara në gjashtëmujorin e fundit, sistemi financiar shqiptar vijon të paraqesë nivele të larta të euroizimit, të cilat reflektojnë përdorimin e valutës në shkallë të gjerë në ekonominë shqiptare.

Në stokun e kredive të sektorit bankar mbizotërojnë kreditë në valutë, megjithatë pesha e tyre ka rënë në gjysmën e parë të vitit 2019. Vlera e regjistruar në fund të qershorit 2019 është 3.0 pp më e ulët krahasuar me gjashtëmujorin e kaluar, si dhe 3.6 pp më pak se një vit më parë.

Ecuria është ndikuar ndjeshëm nga ndryshimet strukturore në sistemin bankar.

Depozitat në valutë shënuan nivelin 51.6% ndaj totalit të depozitave të klientëve në fund të gjashtëmujorit të parë 2019, krahasuar me 53.6% që ishin në fund të dhjetorit 2018 dhe 53.2% një vit më parë. Gjatë këtij gjashtëmujori u vu re një rënie e konsiderueshme prej 2 pikë përqindje (pp) dhe një rënie me 1.6 pp krahasuar me një vit më parë, ndikuar kryesisht nga thyerja strukturore.

Banka e Shqipërisë shprehet se në këto në këto kushte, marrja e masave për të kontrolluar dhe për të ulur këto nivele, në mënyrë graduale, edhe në sektorin real të ekonomisë, mbetet e nevojshme. Për këtë arsye, mbështetur në Memorandumin përkatës të Bashkëpunimit, Banka e Shqipërisë fton edhe palët e tjera nënshkruese të vijojnë aplikimin e masave për tregjet dhe instrumentet që mbikëqyrin respektivisht, me qëllim nxitjen e përdorimit më të gjerë të monedhës vendase në ekonominë shqiptare.

Bazuar në ecurinë e treguesve të përzgjedhur, në gjashtëmujorin e parë të vitit 2019, vërehet një ulje e përdorimit të valutës në sektorin bankar. Sidoqoftë, në këtë ecuri ka dhënë ndikim të rëndësishëm transformimi në filial i degës së një banke jashtë vendit, duke i ndryshuar të dhënat, kryesisht për aktivitetet në valutë, në mënyrë strukturore. Në këto kushte, vijon të jetë e parakohshme dhënia e një vlerësimi të plotë për ndikimin e masave të deeuroizimit dhe rishikimi i rregullt i tyre mbetet i rëndësishëm, analizon Banka e Shqipërisë./MONITOR

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Gjendet një trup i pajetë rreth 1 milje në det, detajet që tregojnë për një vrasje

Aktualitet

Gjendet një trup i pajetë rreth 1 milje në det, detajet që tregojnë për një vrasje

Një trup i pajetë është gjetur mëngjesin e kësaj të diele në ujërat e Adriatikut. Viktima është e seksit mashkull dhe është gjetur rreth 1 milje në det të hapur...

Sudan, ushtria dhe civilët marrëveshje për qeverisje të përbashkët

Globi

Sudan, ushtria dhe civilët marrëveshje për qeverisje të përbashkët

Këshilli ushtarak i Sudanit dhe aleanca e opozitës civile kanë nënshkruar një marrëveshje për ndarjen e pushtetit. Marrëveshja do të krijojë një këshill të ri qeverisës, ku do të përfshihen...

Qeni antidrogë zbulon 55.5 kg kanabis

Aktualitet

Qeni antidrogë zbulon 55.5 kg kanabis

Policia Kufitare parandalon dhe  godet një rast të  tentativës për trafikim të lëndëve narkotike në portin e Durrësit. Uniformat blu kanë sekuestruar 55.5 kilogramë kanabis, ndërsa kanë vënë në pranga...

Sondazh

Nothing found!