Një person i cili ka qenë i shtruar në spitalin ‘Shefqet Ndroqi’, Andon Qako, bëri një deklaratë të fortë dhe një akuzë të rëndë në media për shërbimin dhe mënyrën e të funksionuarit te spitalit Covid2.
Duke folur për gazetarin Erjon Skëndaj, nga spitali Infektiv ku kishte të shtruar tezen, Qako tha se ushqimi që ofrohej në spitalin Covid2, ku ai kishte qenë vetë i shtruar, nuk ishte i duhur dhe i mjaftueshëm.

Andon Qako rrëfeu madje se nga spitali ka dalë vetë me dëshirën e tij, në shenjë proteste pasi tha se “jam kërcënuar me jetë”.

Rrëfimi:

Kë keni të shtruar?

Kam tezen i solla ndonjë lëng frutash ujë, biskotë, aty s’më lejojnë tja coja se duan lekë bëjnë presion, është një formë që të marrin para nuk mund të cosh ujë e lëng frutash se është me diabet.

Unë isha vet tek Shefqet Ndroqi dhe kam dalë në datën 6-7 dhjetor, e te Shefqet Ndroqi unë vdisja për të ngrënë, s’kishte ushqim, ishte ushqim kërmë, nuk u ngopa një herë, se unë kisha fatin e keq i kam gjithë jashtë shtetit e s’kisha mundësi të blija, vdisje për të ngrënë ushqimi kërmë mizerabël, i them psikologes Irena, i thashë ca e keni këtë ushqim.