Skandal në lokalet e Tiranës, fëmijët tymosin hashash e nargjile

E mërkurë, 16 May 2018 21:13

Fëmijët e shkollave të mesme dhe 9-vjeçare në Tiranë blejnë nargjile dhe e konsumojnë atë në lokale. Kamera e “Fiks Fare” filmoi në disa lokale në Tiranë, ku fëmijët konsumonin nargjile pa kurrfarë problemi. Ndërkohë, fenomeni i duhanpirjes në oborret e shkollave vazhdon.

Emisioni investigativ bëri një vëzhgim në lokalet e Tiranës, ku gjeti fëmijë të moshave 13-14 vjeç që tymosin nargjile. Edhe pse nargjileja lejohet të përdoret vetëm për moshat mbi 18 vjeç, lokalet në Tiranë e shesin pa asnjë problem kundrejt pagesës.

“Fiksi” solli me zë dhe figurë biseda me kamerierët e lokaleve që ua tregtonin fëmijëve nargjilen. Ata treguan se fëmijët janë 13 vjeç dhe nuk përbën problem konsumi.

“Fëmijët janë 13 vjeç, ua jap pa asnjë problem”, thotë një kamerier.

Ndërkohë, në oborret e gjimnazeve fëmijët konsumojnë duhan. Gjatë pushimit të gjatë, sapo dalin pranë oborrit të shkollës, nxënësit e gjimnazeve në Tiranë tymosin duhan në grupe.

Shefi i Shërbimit në Repartin Toksikologjik në QSUT, Zihni Sulaj tha për gazetarët e “Fiksit” se nargjileja nuk mund të konsumohet nga persona nën 22 vjeç.

“Nargjileja është me përbërje duhani dhe aromash të ndryshme. Përdorimi i vazhdueshëm i saj çon në varësi. Gjithashtu shërben si trampolinë për konsumimin e substancave narkotike”, tha Sulaj.

Shqetësimi i tij kryesor ishte mbi përbërjen e nargjiles, pasi sipas tij jo në të gjitha rastet ka duhan.

“Ne e dimë që ka duhan dhe përzierje aromash, por ka raste që aty mund të ketë edhe hashash. Kjo gjë e bën edhe më të vështirë problemin”, tregon për Fiksin zoti Sulaj.

Teuta Dinaj, inspektore në Inspektoriatin Shtetëror Shëndetësor tha se kanë bërë inspektime nëpër lokalet e Tiranës, por nuk kanë konstatuar fëmijë që pinë nargjile.

“Ne kemi inspektuar dhe kemi vënë gjoba nëpër lokalet ku konsumohet duhan dhe nargjile. Gjobat kanë qenë deri në 30 mijë lekë për subjektin, 5.000 lekë për administratorin dhe 500 lekë për përdoruesin”,- tha Dinaj. Ajo tregon se nuk ka një ligj specifik për nargjilen, por dënohet si konsumim duhani.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Itali, 5 hajdutë shqiptarë të arit dhe orave 'Rolex' ballafaqohen me viktimat për t'u identifikuar

Aktualitet

Itali, 5 hajdutë shqiptarë të arit dhe orave 'Rolex' ballafaqohen me viktimat për t'u identifikuar

Pesë shqiptarë u arrestuan në Marcianise, në Casertano, Itali, për grabitje në provincën e Avellino, shkruajnë sot mediat italiane. Ata u kapën nga karabinierët brenda një makine të marrë me qera...

Moti ofron pamje të frikshme/ Skenar katastrofik në rajonin e Mesdheut

Aktualitet

Moti ofron pamje të frikshme/ Skenar katastrofik në rajonin e Mesdheut

Prej dy ditësh, portali i specializuar i motit në Gjermani, Wetter, paralajmëron se rajonin e Mesdheut e pret një skenar katastrofik. Në kohën kur Venecia ka shënuar nivele rekord të përmbytjeve...

Shtylla të rrëzuara, fshatra në terr: Pasojat e stuhisë në Vlorë

Aktualitet

Shtylla të rrëzuara, fshatra në terr: Pasojat e stuhisë në Vlorë

Vlora vijon të jetë qarku më i prekur nga moti i keq. Reshjet e forta, shoqëruar me stuhi dhe shkarkesa atmosferike dëmtuan rrjetin elektrik në disa zona, kryesisht përgjatë bregdetit...

Sondazh

Nothing found!